كيفية تعاملنا مع البشرة خلال اليوم ممكن تفرق معانا كثير في صفاء ونظافة بشرة وجهنا، وأهم شي روتين الصباح والليل .
في الصباح مهم اننا نعد بشرتنا وهذا راح يعطيها نضارة سواء حطينا مكياج او لا
انا بصراحة اخذت فترة وانا اجرب منتجات لحد ما عرفت اللي تناسب بشرتي (عادية مختلطة حساسة )
حبيت استخدم منتجات من شركات معروفة طبية بعضها صباح وبعضها بس في الليل
ملاحظة : جميع المنتجات موجودة في صيدلية النهدي
روتين العناية بالبشرة في الصباح والمساء :
1- استخدمي ربطة شعر او اي شي تفضلينه عشان تبعدين الشعر عن وجهك قبل التنظيف
للنهار و للمساء
2- نبدا بغسول البشرة من اورياج URIGE ينظف البشرة ومايجففها حبيته جدا ويقلل من ظهور الحبوب
واستخدم فرشة التنظيف من CLARA SONIC جدا رائعة من سيفورا تنظيفها جدا عميق وتحسين ان بشرتك نظفت اكثر من الغسيل العادي باستخدام اليدين انصحكم فيها جدا احس لازم تكون عند كل بنت.
للنهار و للمساء
