مفضلة التجميل من مدونة روز جولد
ROSE GOLD BLOG :BEUTY FAVORITIES
من فترة وانا حابه انزل موضوع بس مو عارفه عن ايش
واليوم صوتي رايح مره وما اقدر اتكلم ولا شي وطفشت قلت اطلع طاقتي بشي مفيد
بس اخيرن راح انزل موضوع
مثل ما شفتو الموضوع عن مفضلتنا للتجميل حاليا
اكثر شي نستخدمه وما نستغني عنه
راح اشرحلكم كل واحد منهم واقولكم كل المعلومات اللي اعرفها عن كل واحد منهم انشاءالله
طبعا مثل ما انتو شايفين هذي المجموعه اللي حابه اتكلم عنها اللي هي عبارة عن :
(بلش وكنتور+كحل +قلم تحت الحواجب + برايمر للوجه+ حمرة ثابتة+فرش مكياج +حمره وقلم تحديد
+باليت شادو+ جل شفاف + فاونديشن +بخاخ مثبت المكياج+ عطر)
نبدا بالباليت حق البلش والكنتور
الباليت اسمه
:( COUNTOUR BLUSH PALETTE 6)
من :
COASTAL SCENTS
اعذروني على العلبه شكلها كانها وصخه بس والله مسحته مايروح تمسك طبعة اليد ماعلينا اهم شي المضمون P;
نجي لطريقة استخدامه :
اللونين الورديين اللي فوق للبلش واحد على زهر وواحد على اورانج وفيه بلش انا احبه اللي جنب الابيض فاتح
انا احب الفاتح واختي تحب اللي لونه ناقع تحط شوي منها ويطلع حلو بس انا ما احب الوردي عامتن احب الالوان الترابيه واللي على موف والبرونز اكثر
المهم
البنني للكنتور والابيض هايلايت والبيج باودر للوجه
انطباعي عنه:
مره حبيته والبلش دايمن نستخدمهم بس الكنتور في المناسبات اكثر شي
من وين شريته :
من تاجره تبيع في الانستقرام
فرش مكياج 12 فرشه من سيقما
حبيت فرشهم مره حلوه وجودتها حلوه كمان
نستخدمها للشادو والباودر والكنتور والبلش
بس مو للفاونيشن
استخدم للفاونديشن فرشه من سيفورا او بيوتي بلندر
برايمر للوجه اسمه :
PHOTO FINISH
من :
SMASHBOX
برايمر جميل جدا خالي من الدهون
يعطي نضارة للوجه
ارواج ثابته من MAX FACTOR
الارواج هذي ما نستغني عنها ابدن
اول شي المحدد بعدين الارواج الثابته بعدين القلوس اللي يجي معاها او اي درجه روج قريبه منه يثبت مرره طول السهره
جربوها انشالله راح تعجبكم الطريقه
محدد من كريولاين وروج من ميك اب فور ايفر لون عنابي على بني
جميل هذا اللون للي يحبون الروج الغامق مع الملابس الفاتحه مثلا سكري
ارواج ميك اب فور ايفر هي افضل شي عندي
قلم اضاءة تحت الحاجب من BENEFIT
جميييل مره حبيته
هذي الباليت شريتها من مارك اند سبنسر من خارج المملكه ماركهAUTGRAPH
مو معروفه بس حبيت الالوان كان نفسي في نيكد 2 بس ماحصلته قلت اخذ هذي واجربها
هذا كحل بيج لداخل العين مومعروفه الماركه نفس الشي من مارك اند سبنسر خارج السعودية
بس فيه في ماكس فاكتور بيج احسه يطلع طبيعي اكثر من الابيض
جل شفاف للرموش والحواجب
انا استخدمه للحواجب ارسمها بعدين احطه يثبتهم في مكانهم ويرتبهم اتوقع ب12 ريال من وايتس
بخاخ مثبت مكياج من ماك
منعش وريحته جميله احب ابخه حتى لو مو حاطه ميك اب
ما احس يثبت مره احس البرايمر له دور اكبر في ثبات المكياج او الشدو بس يعطي شكل نهائي حلو للميك اب
نجي للفاونديشن
هذا اسمه :HELLO FLAWLESS
من :BENEFIT
تغطية وسط للبشره العاديه والجافه
الحلو فيه انه مايكتل لوحطيتي منه كم طبقه عشان يثقل
باقي شوي ويخلص
بس راح اجيب منه مره ثانيه اكيد انشاءالله
فاونيشن للسهره ثقيل شوي من ميك اب فورايفر
MAKEUPFOREVER HD FOUNDATION
حبيته اكثر من شنيل فيه شي دايمن اسويه ما اعرف اذا انتو تسونه انا
مستحيل يعجبني لون فاونديشن واحد لازم اخلط لونين او ثلاثه عشان يطلع اللون اللي ابغاه
عطري المفضل من جوسي كوتور
وبس
هذا كل شي حبيت اقوله
اتمنى انكم استفدتو منه لو شي بسيط
شكرا لكم على متابعتنا
اذا حبيتو الموضوع وحابين اكتب عن اشياء ثانيه
استقبل اقتراحاتكم في الكومنتس
ROSE GOLD BLOG
.PNG)
.PNG)
.PNG)
.PNG)
.PNG)
.PNG)
