تسريحات شعر للمناسبات
Hair styles for spacial events
اهلا بنات ..
سالتكم في الانستقرام اذا حابين انزل بوست تسريحات للمناسبات
وكثير ردود حمستني شكرا لكم
اذا عندك مناسبه ومحتاره في تسريحة شعرك
هذا البوست راح يساعدك
وافتحي هذي المواضيع كلها صور تسريحات نزلتها قبل
ان شاء الله راح تلقين اللي يعجبك
نبدا البوست
هذا البوست مو بس صور راح اتكلم شوي عن الشعر في المناسبات الخاصة او الزواجات
دائما نحتار ايش نسوي ما يضبط علينا
راح اقولكم كل شي تعلمته من كثر ما خبصت بنفسي واكلت مقالب بالشعر ههههههه
- اذا شعرك ناعم او تبينه ما يهبط لا تحطين بلسم لما تتحممين لان الشعر بيهبط بسرعه كذا ومكن يكون شكله دهني
- اعرفي التسريحة اللي تناسبك جربيها على نفسك في البيت مع فستانك قبل عشان ما تتفاجئين
- الجبهه العريضه ما يناسبها الشد من فوق حاولي تخلينه مرخي او فيه بف شوي
- وجهك عريض يناسبك الشعر المفكوك اكثر او نص رفعة وتنزلين خصل من الغرة
- وجهك صغير الرفع اكثر او نص الرفعه اهم شي شعرك ما يغطي وجهك
- روحي مشغل مجرب او شفتي شغلهم ،لا تغامرين
- اذا ما عجبك وانتي في المشغل حاولي تعدلينه او اغسليه وعيديه لو في الاخير تستشورينه عادي بس اهون من انك تروحين وانتي مومقتنعة
- اذا تسوين شعرك بنفسك تدربي قد ما تقدرين وتفرجي على فيدوهات كثير وطبقي معهم راح تتحسنين كل مره
الصور
كل عام وانتو بخير وعيدكم مبارك مقدما
انا والبلوقر الجميلة NMS فكرنا نسويلكم كولاب عن العيد ان شاءالله يعجبكم
راح يساعدكم في تجهيزكم للعيد بالنسبة ل:
الميك اب (NMS):
وتنسيق اللبس (RoseGoldBlog)
تنسيقات العيد ١٤٣٦ هـ
اكيد الكل محتار ايش يلبس للعيد واذا كنتي مجهزة ممكن تلقين في التنسيقات اضافات او افكار تكمل طلتك فيها
بتكلم اليوم عن التنسيقات طبعا مو اهم شي من وين هي لان صعب تجمعينهم اكيد لكن الفكره كيف لما تتسوقين تلقين شي يشبهه وكيف تنسقين القطع مع بعض وايش الموضه الحين ..
طبعا كل انسان له ذوقه الخاص وتنسيقه اللي يفضله وانا اعرض لكم ذوقي وافكاري اتمنى تعجبكم وتفيدكم
التنسيق #1
لوك كامل من D&G
القماش الأبيض والأزرق مره حبيته للصيف رايق وكلاسيكي
التطقيم نفس القماش قطعتين تريند هالسنه (matching sets trend)علشان كذا ضفت فكرة الجزمة تكون نفس القماش
أو ممكن يكون توب وتنورة من نفس القماش أو بنطلون(شفت في محل ريفا نفس الفكرة)
بما أن اللوك فاتح ..ما حبيت اغمقه بالاسود واخترت معاه شنطه بيضاء مع ذهبي
وأكسسوار للشعر لولو مع ذهبي (الاكسسوار للشعرتريند)
التنسيق #2
