تفاصيل حفلة توديع العزوبية (ثيم الستينات)

تفاصيل حفلة توديع العزوبية  (ثيم الستينات)

مرحبا بنات...

من فترة شاركتكم بصورة في الانستقرام عن حفلة توديع العزوبية اللي سويناها لقريباتي "عروستين" الله يوفقهم يارب 

واليوم حبيت انزل هذا البوست اللي راح اشاركم الديكور اللي سويناه ولبسي في الحفلة.

كان  الديكور بسيط ومرتب وادواته وفكرته جدا بسيطه و طلعت النتيجة حلوة  الحمدلله .

بصراحة ما كنت مخططه اني راح انزله في المدونة  لكن جمعت الصور اللي اقدر عليها ..

كان ثيم الحفلة ايام الستينات  ولبسهم  وطريقة شعرهم والميك اب 

الكل كان متحمس خاصة ان التريند للسنوات الاخيرة كان تقريبا نفس ستايلهم رجعنا له.

يالله نبدا :

الديكور

نبدا بالزينة اللي في الجدار:

الوردي واذهبي كلها من محل "اريفه areeva "لادوات الزينه لى التخصصي 

وفي الوسط لوحة فلين مصممة خاصه باساميهم  وتاريخ الزواج  

الزينه على الطاولة :

• بدال القماش على الطاوله حبيت فكرة العشب  البلاستيكي 
• وكذرى حلوة بعد الحفلة.. سوينا  لكل وحده قفص صغير مزين بالورد وومكتوب جنبه في لوحة طبشير صغيرة اسم العروسة كل ضيفه تكتب لهم  على ورق  خاص باسم كل عروسة  ونلفها ونربطها بشريطةلما كتبو البنات فيها طلع شكلها جميل مرة 
• الزينة تحت الطاولة  سويتها بنفسي بورق الحلى حجمين صغير ووسط مره سهلة وجميلة 
• الاضاءة والشموع الصناعية 

كلها موجودة في  (محل  الهزازي )

• سوينا اعواد للسيلفي  صور عرايس من الستينات وعبارات جميلة  طبعناها في البيت 

الكيك:

  من محل puffycake مره لذيذ

الفيديو :

(لازم متصفح من جهاز كمبيوتر للاسف مايفتح مع الجوال )

اللبس :

• التنورة من asos .
• التوب من كوريا ونلقون شبيه له في موقع jolly chic .
• الفيونكة للشعر  من Claire's.
• الجزمة من M&S.
• الاكسسوارات من  coast .

"وهذي كانت تسريحة الشعر اللي اخترتها  ريترو نص رفعة مع فيونكة "

والميك اب كان ايلاينر وروج احمر وحطيت حبة خال كانت على ايامهم شي  p;

وهذا كل شي قدرت اوثقة لكم, شكرا لقراءتكم اتمنى يكون البوست عجبكم واستفدتو منه لو شي بسيط .

اذا كان عندك اي معلومة مفيده او لينك  حساب مفيد ولا اقتراحات للي راح يقرا البوست اكتبوها في التعليقات .

مدنة روزجولد